La consulta ciudadana tien como oxetivu ampliar los conteníos del mapa ufriendo a los ciudadanos y ciudadanes la posibilidá de participar de tres maneres diferentes:

- Al traviés d’Internet, los vecinos y vecines puen rexistrase como usuarios y, enllenando’l formulariu, añader nueves entraes al mapa.

- Al traviés d’entrevistes a diferentes actores y espertos rexonales. Estes entrevistes realízales l’equipu investigador del proyectu Mapiando Asturies y cubren ampliamente tol espectru social: ámbitu llaboral, mediu ambiente, economía, planificación y ordenación del territoriu, xestión cultural, ámbitu rural, economía, demografía, inmigración, práctiques artístiques, patrimoniu, etc.

- Al traviés de videoinstalaciones nes Cases de la Cultura, Telecentros y Sales d’Esposiciones y Polivalentes de diferentes llugares d’Asturies. Mapiando Asturies lleva “a pie de cai” la consulta con proyecciones del mapa, permitiendo d’esta manera que los visitantes puedan contribuir "in situ" al traviés de la participación directa, sin necesidá de tar conectaos a la Rede.