Col oxetivu d’arriquecer el procesu nel ámbitu rexonal con esperiencies d’otros llugares organizamos el I Alcuentru Internacional de Cartografía Ciudadana, que tuvo llugar nel Paraninfu de la Ciudá de la Cultura y en LlABoral Centru d’Arte y Creación Industrial de Xixón ente’l 30 de xunetu y el 1 d’agostu de 2009.

L’alcuentru axuntó, per vez primera y baxo’l tema de la cartografía ciudadana, a un grupu grande d’investigadores y activistes de diferentes ámbitos: arquitectura, periodismu, antropoloxía, urbanismu, práctiques artístiques, xeografía, bioloxía, psicoloxía, trabayu social y desarrollu de software.

La metodoloxía consistió en presentaciones teóriques y sesiones de trabayu que tuvieron como oxetivu texer rede y combinar esfuerzos y recursos pal desarrollu de proyectos converxentes, con especial interés nel desarrollu de software llibre de cartografía ciudadana. D’igual forma, l’alcuentru tamién valió pa conceptualizar y redactar l’artículu sobre “cartografía ciudadana” pa la Wikipedia n’español.

Tol archivu en videu de la documentación del alcuentru pue consultase nel portal Cartografiaciudadana.net.